Ein haelodau

Gall gwasanaethau arbenigol lleol ar draws Cymru eich cynorthwyo chi (a’ch plant os oes gennych chi rai) os ydych chi wedi profi unrhyw fath o gam-drin domestig, treisio a thrais rhywiol, priodas dan orfod, yr hyn a elwir yn drais ‘ar sail anrhydedd’, cam-fanteisio rhywiol, aflonyddu a stelcio, anffurfio organau cenhedlu benywod (FGM) a’r fasnach mewn pobl/caethwasiaeth fodern.

Membership login

This section is currently under construction, please contact membership@welshwomensaid.org.uk for further details.

Mae’r gwasanaethau arbenigol hyn yn cyflenwi cymorth sy’n achub ac yn newid bywydau a gwaith ataliol fel rhan o rwydwaith o ddarpariaeth drwy’r DU.

Mae cymorth ar gael i fenywod, plant a phobl ifanc, a dynion ar draws holl gymunedau Cymru, gan gynnwys cymunedau Du a lleiafrifol ethnig, i oroeswyr sy’n anabl, neu sy’n hŷn, sy’n uniaethu’n lesbaidd, hoyw, deurywiol a thrawsryweddol, a’r rheini o lawer o grefyddau a chredoau.

Gall gwasanaethau arbenigol gynnig gwybodaeth, cymorth ymarferol, eiriolaeth, cwnsela a chymorth therapiwtig, cymorth unigol neu grŵp, neu i gyrchu llety diogel fel cymorth lloches. Mae gan lawer o’n haelodau arbenigol hefyd ganolfannau gwybodaeth lle gallwch alw heibio a sgwrsio am eich sefylla neu sefyllfa rhywun rydych chi’n ei adnabod. Mae gwasanaethau arbenigol yn cynnig cymorth diogel i fenywod yn unig, a gallant eich helpu gydag effaith cam-drin, a’i ganlyniadau, gan gynnwys er enghraifft os bydd angen cyngor cyfreithiol, tai neu fudd-daliadau lles, cymorth drwy’r llysoedd neu achos diogelu, mynediad at wasanaethau iechyd, cymorth mewn perthynas ag afiechyd meddyliol neu ddefnyddio sylweddau, a chymorth i wella ar ôl cam-drin ac ailadeiladu eich bywyd.

Rydym ni hefyd yn rhedeg Safonau Ansawdd Gwasanaeth Cenedlaethol Cymorth i Ferched Cymru, set o feini prawf achrededig i wasanaethau arbenigol sy’n ymdrin â cham-drin domestig allu mesur ansawdd eu darpariaeth.