Ymgyrchu a dylanwadu

Rydym ni’n ymgyrchu i wella ymarfer a gwasanaethau i oroeswyr trais a cham-drin, ac yn gweithio i ddylanwadu a gwella cyfraith a pholisi yng Nghymru, yn y DU, yn Ewrop ac yn rhyngwladol.

Rydym ni’n siarad am y pethau sy’n bwysig i bobl sydd wedi profi cam-drin ac â’r gwasanaethau sy’n eu cefnogi, er mwyn codi ymwybyddiaeth am faterion sy’n bwysig, ond sy’n aml yn cael eu hanwybyddu.

Rydym ni’n gwneud yn siŵr fod lleisiau a phrofiadau goroeswyr a gwasanaethau arbenigol yn ganolog i bopeth rydym ni’n ei wneud.

Mae angen eich cymorth arnom ni i’n helpu i ymgyrchu’n llwyddiannus i ddylanwadu newid.

I gael rhagor o wybodaeth, neu gymryd rhan mewn ymgyrch penodol, ebostiwch [email protected]

Mae ein hymgyrchoedd cyfredol yn cynnwys:

• 

  30 Mawrth, 2016

  Achub llochesi, Achub Bywydau

  Rydym yn galw am gyllid hir-dymor ar gyfer gwasanaethau arbenigol ar draws Cymru, fydd yn galluogi  merched a phlant i dderbyn cymorth all achub eu bywydau. Yng Nghymru llynedd nid oedd yn bosibl gynnig lloches i 388 o oroeswyr camdriniaeth domestig oherwydd diffyg lle pan roeddent ei angen fwyaf. Gyda’n gilydd gallwn newid hyn. Llwyddiant…

• 

  26 Ebrill, 2020

  Pecyn Cymorth ar gyfer Gwylwyr COVID 19

  Gall hunanynysu a chadw pellter cymdeithasol gynyddu trais yn erbyn menywod, cam-drin domestig a thrais rhywiol a chael effaith ar rwydweithiau diogelwch a chymorth goroeswyr. Yn awr yn fwy nag erioed, mae’n bwysig ein bod yn deall trais a chamdriniaeth ac yn cefnogi anghenion goroeswyr. Mae ymateb cymunedol ac undod cymdeithasol hyd yn oed yn…