Rydych chi wedi mewngofnodi. Allgofnodi
Angen help? Cliciwch yma neu ffonio 0808 80 10 800

Beth yw cam-drin domestig?

Cam-drin domestig yw un unigolyn yn rheoli unigolyn arall mewn perthynas bersonol neu deuluol agos; gall y cam-drin fod yn rhywiol, corfforol, ariannol, emosiynol neu seicolegol. Gall y cam-drin ddigwydd yn y cartref neu mewn man arall.

Fel arfer mae’n batrwm o ymddygiad, a gall ddigwydd heb ystyriaeth i ryw, oed, cyfrifoldeb gofalwr, dosbarth, anabledd, hunaniaeth rhywedd, statws mewnfudo, ethnigrwydd, daearyddiaeth neu grefydd. Fodd bynnag mae rhywedd y dioddefwr a’r troseddwr yn dylanwadu ar y difrifoldeb, y risg a’r niwed a achosir.

Ceir nifer o wahanol fathau o gam-drin domestig, sy’n cynnwys, ond heb fod yn gyfyngedig i’r canlynol:

  • ymddygiad sy’n rheoli’n gymhellol (patrwm o reolaeth, ynysu, iselhau, brawychu a defnyddio bygythiadau)
  • cam-drin emosiynol / seicolegol
  • cam-drin corfforol
  • cam-drin ariannol
  • aflonyddu a stelcian

Y diffiniad ar draws llywodraeth y DU o drais domestig yw:

Unrhyw ddigwyddiad neu batrwm o ddigwyddiadau o drais, camdriniaeth neu ymddygiad sy’n rheoli, yn gorfodi neu’n bygwth, rhwng pobl 16 oed neu’n hŷn sy’n bartneriaid mynwesol (neu wedi bod) neu’n aelodau o’r un teulu, beth bynnag eu rhywedd a’u rhywioldeb.¹

Sut mae cam-drin domestig yn effeithio ar blant a phobl ifanc

Dylai unrhyw un sy’n cael ei effeithio gan y mathau hyn o drais a cham-drin allu cael cymorth a chefnogaeth pan fo angen a dylai pob achos gael ei drin o ddifrif. Mae Llinell Gymorth Byw Heb Ofn yn llinell gymorth 24 awr i fenywod, plant a dynion sy’n profi cam-drin domestig, trais rhywiol neu fathau eraill o drais yn erbyn menywod ar 0808 80 10 800.


¹  https://www.gov.uk/guidance/domestic-violence-and-abuse

This #StDwynwensDay we celebrate the strength of all women in Wales facing violence who still rise to support others and change lives. Celebrate the patron saint of caring relationships by sending our eCard at ow.ly/fA1x50HBP2C and supporting our movement for change. 💜 pic.twitter.com/q3RLI5HcsZ

About 6 hours ago from WelshWomensAid's Twitter