Digwyddiadau

Cefnogi plant i wneud i berthnasoedd cadarnhaol gyfri

Cadw lle ar gyfer achlysur lansio’r ‘AGENDA Cynradd: Cefnogi Plant i Wneud i Berthnasoedd Cadarnhaol Gyfri’ 

Noddir y digwyddiad hwn gan Lynne Neagle AC.

 Ymhlith y siaradwyr bydd:

• Lynne Neagle, Aelod Cynulliad a Chadeirydd y Pwyllgor Plant, Pobl Ifanc ac Addysg
• Yr Athro Emma Renold, Prifysgol Caerdydd
• Sally Holland, Comisiynydd Plant Cymru
• Lucy Emmerson, Fforwm Addysg Rhyw
• Ceri Parry a Rhiannon Evans, Ysgol Gymraeg Casnewydd
• Catrin Pallot, Ysgol Gyfun Gymraeg Plasmawr

Adnodd am ddim yw’r AGENDA* Cynradd ar gyfer ymarferwyr addysgol sydd am rymuso plant (7-11 oed) i wneud i berthnasoedd cadarnhaol gyfri yn eu hysgol a’u cymuned. Trwy weithgareddau cychwynnol ac astudiaethau achos, mae’r AGENDA Cynradd yn eich gwahodd i archwilio dulliau cynhwysol, creadigol, sy’n seiliedig ar hawliau o ymdrin ag amrywiaeth o faterion gan gynnwys: teimladau ac emosiynau; cyfeillgarwch a pherthnasoedd; delwedd y corff; cydsyniad; cydraddoldeb rhyw a rhywioldeb a thegwch. Mae ar gael yn Gymraeg a Saesneg.

I gofrestru ar gyfer y digwyddiad hwn, cysylltwch â: [email protected] neu cliciwch yma

*Cefnogir yr AGENDA Cynradd gan Brifysgol Caerdydd, Comisiynydd Plant Cymru, NSPCC Cymru, Llywodraeth Cymru a Cymorth i Ferched Cymru.