Rydych chi wedi mewngofnodi. Allgofnodi
Angen help? Cliciwch yma neu ffonio 0808 80 10 800

Amdanom ni

Cymorth i Ferched Cymru yw’r elusen genedlaethol yng Nghymru sy’n gweithio i ddileu cam-drin domestig a phob math o drais yn erbyn menywod.

Cawsom ein sefydlu yn 1978, ac rydym ni’n rhwydwaith Cymreig o gyrff annibynnol sy’n darparu gwasanaethau achub bywyd ac ataliol fel rhan o rwydwaith o ddarpariaeth yn y DU. Y gwasanaethau arbenigol hyn yw’n haelodaeth graidd, a rhyngddynt maen nhw’n darparu llochesi sy’n achub bywyd, gwaith allgymorth, ac eiriolaeth a chymorth cymunedol i oroeswyr trais a cham-drin – menywod, dynion a theuluoedd – ac yn cyflenwi gwaith ataliol arloesol mewn cymunedau lleol.

Rydym ni hefyd yn cyflenwi gwasanaethau uniongyrchol fel Llinell Gymorth Byw Heb Ofn Cymru i unrhyw un sy’n profi neu sy’n cael eu heffeithio gan drais rhywiol a cham-drin domestig.

Rydym ni wedi arwain y gwaith o ffurfio ymatebion ac ymarfer cymunedol cydlynol yng Nghymru, drwy ymgyrchu am newid a darparu cyngor, gwasanaethau ymgynghori, cymorth a hyfforddiant i gyflenwi gwelliannau polisi a gwasanaeth i oroeswyr, teuluoedd a chymunedau.

Fel ffederasiwn cenedlaethol, mae ein gwaith polisi, ymgyrchu, ymgynghori, hyfforddi ac eiriolaeth wedi’i seilio ym mhrofiadau bywyd y gwasanaethau arbenigol lleol a’r defnyddwyr gwasanaeth.  Sail ein llwyddiant yw sicrhau bod profiadau ac anghenion goroeswyr yn ganolog i bopeth a wnawn.

Cliciwch yma i weld ein cynllun strategol

We're looking for 2 people to join our wonderful Business Support team. 💼Business Support Officers 💰£20,444.00 – £22,129.00 p/a pro rata 👉1 x Full time; 1 x Part time For more info & to apply, check out our website: welshwomensaid.org.uk/workwit… *Deadline approaching* pic.twitter.com/L2ThgbXRqF

Yesterday from WelshWomensAid's Twitter