Latest News

See All News

3 million women across the UK experience rape, domestic violence, forced marriage, stalking, sexual exploitation, trafficking and other forms of violence every year.

End Violence Against Women

Abuse in the home is not a rare problem, it is just rarely admitted as one

Hidden Hurt - http://www.hiddenhurt.co.uk

Cam-drin Rhywiol

Ystyr cam-drin rhywiol yw unrhyw weithred rywiol lle y gorfodir unigolyn i wneud rhywbeth yn erbyn ei ewyllys. Efallai bydd yr ymosodwr yn bygwth trais corfforol neu’n codi digon o ofn ar y dioddefwr fel bod y dioddefwr yn cyd-fynd â dymuniadau’r ymosodwr. Mae cam-drin rhywiol ymysg oedolion yn cynnwys gwahanol fathau o ymddygiad rhywiol amhriodol sy’n achosi gofid neu niwed i unigolyn.  Gall cam-drin rhywiol fod yn wirioneddol neu’n fygythiad ac mae’n achosi niwed corfforol ac emosiynol.

Gall cam-drin rhywiol ddigwydd o fewn priodas. Yn aml, ni chaiff yr heddlu wybod am drais priodasol ac nid yw’n cael ei gydnabod o fewn priodas hyd yn oed gan y rheiny sy’n dioddef y cam-drin. Yn ddiwylliannol, tybia llawer o fenywod ei bod yn ‘ddyletswydd’ arnynt i fodloni dyheadau a gofynion rhywiol eu gŵr neu bartner hyd yn oed os nad ydynt am wneud hynny. Ond, mae trais rhywiol yn drosedd, hyd yn oed os ydych chi’n adnabod yr unigolyn.

Gallai cam-drin rhywiol o fewn priodas hefyd beri i’r unigolyn sy’n dioddef y cam-drin deimlo mai nhw sydd ar fai amdano, neu efallai bydd yr ymosodwr yn ymddwyn fel petai’r cam-drin wedi digwydd gyda chaniatâd y dioddefwr, gan arwain at ddryswch ac euogrwydd.

Mae cam-drin rhywiol yn cynnwys:

·        Trais rhywiol

·        Gorfodi rhywun i gyflawni gweithredoedd rhywiol yn erbyn ei ewyllys (er enghraifft, pan fyddant yn dweud na, yn sâl neu’n flinedig)

·        Defnyddio gwrthrychau’n dreisgar yn ystod rhyw

·        Gorfodi rhywun i gael rhyw gydag unigolyn arall pan nad ydynt eisiau gwneud hynny

·        Rhannu straeon rhywiol amdanoch neu ddelweddau rhywiol ohonoch heb eich caniatâd

·        Eich galw’n enwau rhywiol neu fychanol

·        Gwrthod rhyw neu anwyldeb

·        Gorfodi rhywun i gyflawni gweithredoedd rhywiol o flaen eraill pan nad ydynt eisiau gwneud hynny

·        Gorfodi rhywun i ddynwared pornograffi

·        Gorfodi rhywun i gael ei lun wedi’i dynnu neu ei ffilmio yn ystod rhyw / tra bod cam-drin rhywiol yn digwydd

·        Gorfodi rhywun i wylio neu edrych ar bornograffi.

Os ydych yn dioddef cam-drin rhywiol, neu gam-drin domestig o unrhyw fath, cysylltwch â Llinell Gymorth Cam-drin Domestig Cymru ar 0808 80 10 800.

Gall y Ganolfan Argyfwng Trais Rhywiol eich helpu i ddod o hyd i’ch canolfan leol.