Rydych chi wedi mewngofnodi. Allgofnodi
Angen help? Cliciwch yma neu ffonio 0808 80 10 800

Hyfforddiant a chymwysterau

Mae Gwasanaeth Hyfforddi Cenedlaethol Cymorth i Ferched Cymru’n bartneriaeth genedlaethol unigryw o wasanaethau arbenigol yn cyflenwi hyfforddiant, dysgu a datblygu ar draws Cymru ar bob agwedd o drais yn erbyn menywod, cam-drin domestig a thrais rhywiol. Rydym ni’n darparu cyrsiau achrededig a chyffredinol a gyflwynir gan hyfforddwyr arbenigol.

Cymorth i Ferched Cymru hefyd yw’r darparwr achrededig cenedlaethol i gyflenwi’r rhaglen ‘hyfforddi’r hyfforddwr’ sy’n cefnogi fframwaith polisi ‘Gofyn a Gweithredu’ Llywodraeth Cymru.

Hyfforddiant

Bydd Gwasanaeth Hyfforddi Cenedlaethol Cymorth i Ferched Cymru’n cynnig cyrsiau agored drwy gydol 2016/17. Fel arall, gallwn ddod atoch chi i gyflwyno pecynnau hyfforddiant yn fewnol, neu gallech ddymuno comisiynu cwrs wedi’i deilwra i anghenion eich asiantaeth.

Mae’r cyrsiau mae ein Gwasanaeth Hyfforddi Cenedlaethol yn gallu eu cyflenwi’n cwmpasu amrywiaeth o bynciau arbenigol gan gynnwys:

  • Cam-drin domestig
  • Rheolaeth gymhellol
  • Priodas dan orfod
  • Masnachu mewn pobl
  • Anffurfio organau cenhedlu benywod (FGM)
  • Cefnogi goroeswyr sydd â phroblemau iechyd meddwl, cyffuriau ac alcohol
  • Cefnogi plant a phobl ifanc
  • Cam-drin domestig a rhywiol ymhlith cymunedau Du a lleiafrifol ethnig
  • Cefnogi anghenion goroeswyr
  • Trawma dirprwyol
  • Trais rhywiol
  • Yr hyn a elwir yn drais ar sail ‘anrhydedd’
  • Diogelu a cham-drin domestig
  • Cam-drin domestig a rhywiol mewn perthynas LGBTQI
  • Gweithio gyda chyflawnwyr
  • Dynodi a lleihau risg
  • Ymatebion y gweithle i gyflogeion a effeithiwyd gan gam-drin domestig
  • Deall ac erlyn achosion o lindagu
  • Gweithio gyda dioddefwyr a thystion trawma
  • Cynorthwyo dioddefwyr gwrywaidd

Rydym ni’n cyflwyno’r cymhwyster achrededig cenedlaethol mewn atal ac ymdrin â cham-drin domestig a thrais rhywiol. Mae hwn wedi’i gynllunio i sicrhau’r sgiliau a’r wybodaeth i weithwyr proffesiynol allu cynorthwyo goroeswyr ac mae’r cymhwyster wedi’i achredu gan Agored Cymru (QCF, Dyfarniad, Tystysgrif a Diploma). Rydym ni hefyd wedi hyfforddi hyfforddwyr i gyflwyno hyfforddiant ar reolaeth gymhellol i heddluoedd ar draws Cymru fel rhan o gyflwyno hyfforddiant heddlu mewn partneriaeth gyda’r Coleg Plismona Cenedlaethol.

I gael rhagor o wybodaeth am gyrsiau a chostau Gwasanaeth Hyfforddi Cenedlaethol Cymorth i Ferched Cymru ebostiwch: training@welshwomensaid.org.uk

neu cysylltwch â’r tîm hyfforddi:  01286 882733 neu 02920 541551.

Are you a graphic artist or a cartoonist who is passionate about creating socially engaging cartoons, while trying to initiate a positive change in the society? We would like to invite you to put your skills to use for women’s rights! Find out more here: ow.ly/1NBm50ju1aw pic.twitter.com/Z1fbLUh46K

About 8 hours ago from WelshWomensAid's Twitter