Rydych chi wedi mewngofnodi. Allgofnodi
Angen help? Cliciwch yma neu ffonio 0808 80 10 800

Amdanom ni

Cymorth i Ferched Cymru yw’r elusen genedlaethol yng Nghymru sy’n gweithio i ddileu cam-drin domestig a phob math o drais yn erbyn menywod.

Cawsom ein sefydlu yn 1978, ac rydym ni’n rhwydwaith Cymreig o gyrff annibynnol sy’n darparu gwasanaethau achub bywyd ac ataliol fel rhan o rwydwaith o ddarpariaeth yn y DU. Y gwasanaethau arbenigol hyn yw’n haelodaeth graidd, a rhyngddynt maen nhw’n darparu llochesi sy’n achub bywyd, gwaith allgymorth, ac eiriolaeth a chymorth cymunedol i oroeswyr trais a cham-drin – menywod, dynion a theuluoedd – ac yn cyflenwi gwaith ataliol arloesol mewn cymunedau lleol.

Rydym ni hefyd yn cyflenwi gwasanaethau uniongyrchol fel Llinell Gymorth Byw Heb Ofn Cymru i unrhyw un sy’n profi neu sy’n cael eu heffeithio gan drais rhywiol a cham-drin domestig; y gwasanaethau lloches ac eiriolaeth ym Mae Colwyn a Wrecsam; a phrosiect ataliol Mae Plant yn Bwysig sy’n cynorthwyo ein haelodau i helpu plant a phobl ifanc ym mhob awdurdod lleol yng Nghymru.   

Rydym ni wedi arwain y gwaith o ffurfio ymatebion ac ymarfer cymunedol cydlynol yng Nghymru, drwy ymgyrchu am newid a darparu cyngor, gwasanaethau ymgynghori, cymorth a hyfforddiant i gyflenwi gwelliannau polisi a gwasanaeth i oroeswyr, teuluoedd a chymunedau.

Fel ffederasiwn cenedlaethol, mae ein gwaith polisi, ymgyrchu, ymgynghori, hyfforddi ac eiriolaeth wedi’i seilio ym mhrofiadau bywyd y gwasanaethau arbenigol lleol a’r defnyddwyr gwasanaeth.  Sail ein llwyddiant yw sicrhau bod profiadau ac anghenion goroeswyr yn ganolog i bopeth a wnawn.

Diwrnod 1 o’n hyfforddiant “gofyn i fi” ar ben! Os ydych chi am dorri’r tawelwch ar drais yn erbyn menywod, cam-drin domestig a thrais rhywiol gallwch ddysgu mwy ar eventbrite.co.uk/e/change-tha… @commissionersw #gofynifiCaerdydd #NewidsynPara #CymruYnErbynTrais pic.twitter.com/CRKcqnNGFy

About 2 days ago from WelshWomensAid's Twitter